انتخابتازہ تریندنیا

مہاتما گاندھی کی عینک کی نیلامی، تخمینے سے 17 گنا زائد قیمت پر فروخت

برطانیہ کے ایک نیلام گھر میں مہاتما گاندھی کی عینک کی نیلامی ہوئی جس میں یہ تاریخی یادگار ابتدائی تخمینے سے 17 گنا زائد قیمت پر فروخت ہوئی۔

 بولی جیتنے والے شخص نے اسے 3 لاکھ 40 ہزار ڈالرز میں خرید کیا جس کی پاکستانی روپوں میں قیمت 5 کروڑ 69 لاکھ بنتی ہے۔

یہ عینک دو ماہ قبل ایک مصروف صنعتی مقام پر لیٹر باکس کے باہر لٹکتی ہوئی پائی گئی تھی، نیلام کرنے والے اینڈی سٹو نے بتایا کہ اسے یہ عینک برسٹل میں اپنا لیٹرباکس چیک کرتے ہوئے ملی تھی۔

انہوں نے کہا کہ یہ عینک ایک لفافے میں تھی جسے کھولا گیا تو انکشاف ہوا کہ یہ مہاتما گاندھی کی یادگار ہے، لفافے میں ایک کاغذ بھی تھا جس پر لکھا تھا کہ یہ گاندھی کی ملکیت ہے، انہوں نے یہ عینک میرے چچا کو دی تھی۔

اینڈی کے مطابق انہوں نے کاغذ پر لکھے فون نمبر پر رابطہ کیا تو ایک 80 سالہ بوڑھے شخص سے رابطہ ہوا جس نے انہیں بتایا کہ یہ عینک اس کے چچا نے اسے دی تھی، اس کے چچا کو گاندھی جی نے اس دور میں دی تھی جب وہ جنوبی افریقہ میں ملازمت کرتے تھے۔

انہوں نے بتایا کہ تحقیق میں پوری طرح تسلی کرنے کے بعد ہم نے عینک کی قیمت کا تخمینہ 13 ہزار سے ساڑھے 19 ہزار لگایا، جب اس کے مالک کو یہ رقم بتائی گئی تو وہ تقریباً کرسی سے گر پڑا۔

سی این این سے بات کرتے ہوئے اینڈی نے کہا کہ انہوں نے عینک کے متعلق پوری طرح تحقیق کر لی ہے اور انہیں اعتماد ہے کہ اس کی ملکیت رکھنے والا شخص درست کہہ رہا ہے۔

Related Articles

Leave a Reply

Your email address will not be published.

Back to top button