انتخابتازہ ترینٹیکنالوجی

واٹس ایپ کا نیا فیچر، دوسروں کے موبائل سے ویڈیوز، تصاویر ڈیلیٹ کرنے کی سہولت

واٹس ایپ کا نیا فیچر بہت جلد صارفین کے لیے پیش کر دیا جائے گا جس میں دوسروں کو بھیجی گئی ویڈیوز اور تصاویر ڈیلیٹ کی جا سکیں گی۔

ڈبلیو اے بیٹا انفو کے مطابق ایکسپائرنگ میڈیا کے نام سے پیش کیے جانے والے اس فیچر کے تحت ایک صارف جب کسی کو تصویر یا ویڈیو بھیجے گا تو وہ اس کے ڈیلیٹ ہونے کا وقت بھی طے کر سکے گا جس کے بعد وہ دوسروں کے واٹس ایپ سے خودبخود ڈیلیٹ ہو جائے گی۔

تاہم اگر دوسرے صارف نے یہ تصویر یا ویڈیو اپنے موبائل میں محفوظ کر لی تو پھر اسے ڈیلیٹ نہیں کیا جا سکے گا، یہ صرف واٹس ایپ چیٹ سے ڈیلیٹ ہو سکے گی۔

اسی طرح ایک تصویر یا ویڈیو بھیجتے وقت ویو ونس کے نام سے ایک اور آپشن بھی ہو گا جسے منتخب کرنے پر دوسرا صارف اسے صرف ایک بار دیکھ سکے گا اور جونہی وہ چیٹ سے باہر آئے گا وہ ڈیلیٹ ہو جائے گی۔

ابھی تک اس فیچر کو سامنے لانے کی تاریخ کا اعلان نہیں کیا گیا لیکن یہ جلد ہی واٹس ایپ کا مستقل فیچر بن جائے گا۔

برطانوی ویب سائٹ میل آن لائن کا کہنا ہے کہ اس حوالے سے رابطہ کرنے پر واٹس ایپ نے کسی بھی ممکنہ فیچر پر تبصرہ کرنے معذرت کر لی۔

تاہم ، ڈبلیو اے بیٹا کے مطابق واٹس ایپ نے یہ فیچر گوگل پلے بیٹا پروگرام میں دے دیا ہے۔

Related Articles

Leave a Reply

Your email address will not be published.

Back to top button