انتخابپاکستانتازہ ترین

پارٹی رہنماؤں پر تنقید، فردوس شمیم نقوی اپوزیشن لیڈر کے عہدے سے مستعفی

پاکستان تحریک انصاف کے رہنما فردوس شمیم نقوی نے سندھ اسمبلی میں قائد حزب اختلاف کے عہدے سے استعفیٰ دے دیا ہے۔ انہوں نے استعفیٰ گورنر سندھ عمران اسماعیل کو بھجوا دیا ہے۔

اردو نیوز کے مطابق پاکستان تحریک انصاف سندھ  کے ترجمان ہنس مسعود نے بتایا ہے کہ گورنر سندھ نے ابھی تک ان کا استعفیٰ منظور نہیں کیا۔

انہوں نے بتایا کہ فردوس شمیم نقوی نے استعفیٰ پیش کرتے وقت اپنے رویے اور بیان کے حوالے سے زبانی طور پر معافی بھی مانگی۔

ذرائع کے مطابق پاکستان تحریک انصاف کے چیف آرگنائزر سیف اللہ نیازی نے انہیں وزیراعظم عمران خان کا پیغام پہنچایا جس میں ان سے استعفیٰ دینے کا کہا گیا تھا۔

استعفیٰ طلب کیے جانے کے بعد فردوس شمیم نقوی نے اپنی جماعت کے ایم پی ایز سے رابطے شروع کر دیے تھے۔

فردوس شمیم نقوی نے چند روز قبل کراچی میں گیس بحران پر وفاقی وزراء کو شدید تنقید کا نشانہ بنایا تھا۔ انہوں نے وزیراعظم عمران خان پر بھی تنقید کر ڈالی تھی۔

بعد ازاں انہوں نے سماجی رابطوں کی ویب سائٹ ٹوئٹر پراپنے الفاظ معافی بھی مانگ لی تھی۔

ان کا استعفیٰ قبول ہونے کے بعد سندھ اسمبلی میں نئے اپوزیشن لیڈر کا انتخاب کیا جائے گا، اس وقت تک فردوس شمیم نقوی ہی اس عہدے پر کام کرتے رہیں گے۔

Related Articles

Leave a Reply

Your email address will not be published.

Back to top button