انتخابپاکستانتازہ ترین

ڈیزل کی قیمت کم، پٹرول، تیل مٹی کی برقرار، نوٹیفکیشن جاری

اسلام آباد: وفاقی حکومت نے ڈیزل کی قیمت میں کمی کردی ہے جبکہ پٹرول اور مٹی کے تیل کی قیمت برقرار رکھنے کا فیصلہ کیا ہے۔

وزارت خزانہ نے پیٹرولیم مصنوعات کی نئی قیمتوں کا نوٹیفکیشن جاری کردیا۔

نوٹیفکیشن کے مطابق ہائی اسپیڈ ڈیزل کی قیمت میں 2 روپے 40 پیسے کی کمی کی گئی ہے جس کے بعد نئی قیمت 104.06 روپے فی لیٹر ہوگی۔

حکومت نے پیٹرول، مٹی کا تیل اور لائٹ ڈیزل کی قیمت برقرار رکھنے کا فیصلہ کیا ہے۔ پٹرول کی  قیمت 103.97 روپے فی لیٹر پر برقرار ہے، اسی طرح مٹی کا تیل 65.29 روپے فی لیٹر برقرار ہے۔

وزارت خزانہ کے مطابق لائٹ ڈیزل کی قیمت 62.86 روپے فی لیٹر پر برقرار ہے۔ نئی قیمتوں کا اطلاق آج رات 12 بجے سے ہوگا۔

یاد رہے کہ آئل اینڈ گیس ریگولیٹری اتھارٹی (اوگرا) نے حکومت کو یکم اکتوبر سے پٹرولیم مصنوعات کی قیمتوں میں 3 سے 4 فیصد فی لیٹر کمی کی تجویز دی تھی۔

اوگرا نے تجاویز میں کہا تھا کہ عالمی منڈی میں خام تیل کی قیمتوں میں کمی ہوئی ہے اس لیے ملک میں پٹرولیم مصنوعات کی قیمتوں میں کمی کی جانی چاہیئے۔

اوگرا کی تجاویز میں پیٹرول اور ڈیزل کی قیمتوں میں دو روپے فی لیٹر تک کی کمی کی سفارش کی گئی تھی۔

حکومت نے پٹرولیم مصنوعات کی قیمتوں میں ردوبدل کرنے کا دورانیہ ایک ماہ سے کم کر کے 15 دن کر دیا ہے جس کے بعد مہینے میں دو بار قیمتوں کا تعین کیا جاتا ہے۔

30 جولائی کو اوگرا نے پیٹرول کی قیمت میں سات روپے اور ڈیزل کی قیمت میں آٹھ روپے فی لیٹر اضافے کی تجویز حکومت کو بھجوائی تھی۔ پیٹرول اور ڈیزل کے علاوہ اوگرا نے مٹی کے تیل اور لائٹ ڈیزل کی قیمتوں میں بھی اضافے کی تجویز دی تھی۔

اوگرا نے تجاویز30 روپے فی لیٹر پیٹرولیم لیوی کی بنیاد پر ارسال کی تھیں۔ پٹرول کی قیمت میں 26 روپے70 پیسے پیٹرولیم لیوی شامل تھا۔

Related Articles

Leave a Reply

Your email address will not be published.

Back to top button