انٹرٹینمنٹتازہ تریندنیا

اسرائیلی اداکارہ گال گدوت کو آنے والی فلم کے لیے ایک ارب 60 کروڑ روپے کی ادائیگی

امریکی اخبار نیویارک ٹائمز کے مطابق ‘ونڈر وومن’ فلم سیریز میں لیڈ کردار ادا کرنے والی اسرائیلی اداکارہ گال گدوت کو سیریز کی اگلی فلم ‘ونڈر وومن 1984’ کے لیے ایک ارب 60 کروڑ روپے سے زائد رقم کی ادائیگی کی جائے گی۔

خبروں کے مطابق فلم ‘ونڈر وومن 1984’ کی پروڈکشن کمپنی وارنر برادرز نے اداکارہ گال گدوت اور فلم کی ہدایت کارہ پیٹی جینکنس کو برابر معاوضہ ادا کیا ہے۔ وارنر برادرز کا اس فلم کو سینما میں ریلیز کرنے کا ارادہ تھا مگر کورونا وبا کے باعث انہوں نے فیصلہ کیا ہے کہ فلم کو آن لائن ریلیز کیا جائے گا۔

سپر ہیرو فلم کی ہدایت کارہ و اداکارہ کے معاوضے فلم کے سینما میں ریلیز ہونے کے پس منظر میں طے کیے گئے تھے۔ تاہم آن لائن ریلیز کے اچانک فیصلے کا باعث تینوں فریقین کے درمیان مذاکرات کا سلسلہ دوبارہ شروع ہوا جو کئی ہفتوں تک چلتا رہا اور بالآخر بڑی رقوم کی ادائیگی پر طے پایا گیا۔

نیو یارک ٹائمز نے دو افراد جنہیں فریقین کے درمیان ہونے والے معاہدے کی خبر تھی کا حوالہ دیتے ہوئے بتایا کہ فریقین کے درمیان سخت مذاکرات ہونے کے بعد ان رقوم کی ادائیگی کرنے کا فیصلہ کیا گیا۔ البتہ دونوں خواتین کو ان بڑی رقوم ملنے کا اعزاز ان کی متعلقہ نمائندگی کرنے والے اداروں کو دیا جارہا ہے جنہوں نے وارنر برادرز کو قانوی معاملات کے زور پر راضی کیا۔

‘ونڈر وومن 1984’ کو 25 دسمبر بروز کرسمس کو امریکہ میں ریلیز کیا جائے گا جبکہ 16 دسمبر کو یورپ کے کچھ ممالک میں ریلیز کر دیا جائے گا۔ فلم ابتدائی طور پر وارنر برادرز کی ویب اسٹریمنگ سروس ایچ بی او میکس پر دیکھی جا سکے گی۔

Related Articles

Leave a Reply

Your email address will not be published.

Back to top button