انٹرٹینمنٹتازہ تریندنیا

بھارتی اداکارہ آریا بینرجی کی پراسرار موت، گھر پر مردہ پائی گئیں

بھارتی فلم انڈسٹری کی معروف اداکارہ آریا بینرجی پراسرار طور پر اپنی رہائش گاہ پر مردہ پائی گئی ہیں۔

انڈیا ٹوڈے کے مطابق آریا بینرجی کی نوکرانی نے گھر کی گھنٹی بجائی اور فون پر بھی کالز کیں مگر جواب نہ آیا جس پر اس نے پولیس کو اطلاع دی۔

پولیس نے آ کر گھر کا دروازہ توڑا تو بیڈروم میں 33 سالہ بھارتی اداکارہ کی لاش ملی، بستر کے ساتھ شراب کی متعدد بوتلیں بھی ملی ہیں۔

نوکرانی کے مطابق آریا اپنے گھر میں پالتو کتے کے ساتھ رہتی تھیں اور لوگوں سے بہت کم رابطہ رکھتی تھیں۔

پولیس کا کہنا ہے کہ اداکارہ کی ناک سے خون بہہ رہا تھا اور انہوں نے قے بھی کی ہوئی تھی، پولیس نے لاش پوسٹ مارٹم کے لیے بھیجوا دی ہے اور تحقیقات شروع کر دی ہے۔

واضح رہے کہ بھارتی اداکارہ آریا بینرجی نے 2 بھارتی فلموں میں کام کیا ہے جس میں ’لو، سیکس دھوکا‘ اور ’دی ڈرٹی پکچر شامل‘ ہیں۔

بھارتی فلم انڈسٹری سے تعلق رکھنے والے افراد نے ان کی موت پر دکھ اور افسوس کا اظہار کیا ہے۔

Related Articles

Leave a Reply

Your email address will not be published.

Back to top button