میچ فکسنگ کے الزامات ، بابر اعظم نے بڑا فیصلہ کر لیا

لاہور(نیوز ڈیسک) قومی کرکٹ ٹیم کے کپتان بابر اعظم نے میچ فکسنگ کے الزامات لگانے والوں کے خلاف ہتک عزت کا کیس دائر کرنے کا فیصلہ کر لیا۔
ذرائع کے مطابق قومی کرکٹ ٹیم کے کپتان بابر اعظم نے الزامات لگانے والوں کے خلاف ہتک عزت کیس کے حوالے سے اپنی قانونی ٹیم سے مشاورت شروع کر دی۔ قومی ٹیم کپتان کی جانب سے یوٹیوبرز اور سابق کرکٹرز کو قانونی نوٹس بھجوائے جانے کا امکان ہے۔
کپتان بابر اعظم سابق کھلاڑیوں کی جانب سے لگائے گئے الزامات سے مایوس ہوئے۔ ٹی 20 ورلڈ کپ 2024 کے دوران بابر اعظم کے خلاف سوشل میڈیا مہم چلائی گئی۔
ذرائع کے مطابق پاکستان کرکٹ بورڈ (پی سی بی) کا لیگل ڈپارٹمنٹ بھی یوٹیوبرز اور سابق کھلاڑیوں کے بیانات کا ڈیٹا اکٹھا کر رہا ہے۔