لاہور (مانیٹرنگ ڈیسک )کپتان کے مشیروں نے کرپشن سے اربوں کما لیے ، اسلام آباد سے ایک اور سکینڈل سر اٹھانے والا ہے ، سابق وزیر اعظم کا بڑا دعویٰ،مسلم لیگ ن کے رہنما اور سابق وزیراعظم شاہد خاقان عباسی نے کہاہے کہ اسلام آباد سے جلد ایک اور سکینڈل آ ئے گا ، وزیراعظم کے مشیروں نے اربوں روپے کرپشن سے کما لیے ہیں ، کون سا سکینڈل ہے جو اس حکومت میں نہیں آیا، پی ٹی آئی کی حکومت کرپٹ ترین حکومت ہے ۔
میڈیا سے بات کرتے ہوئے شاہد خاقان عباسی کا کہناتھا کہ وزیراعظم نے کہا کہ حکمران کرپٹ ہو تو ملک تباہ ہو جاتاہے ، ہر منصوبے میں اربوں کی کرپشن کی گئی ہے ، ملک تباہی کی طرف نہیں جائے گا تو کہا ں جائے گا ، چیئرمین نیب سے گزارش ہے کہ عدالتوں میں آ کر دیکھیں ۔ انہوں نے کہا کہ کمیشن پر کمیشن بنتاہے ، کمیشن صرف پیسے کھانے کے علاوہ کچھ نہیں کرتا ، بار بار کہہ رہے ہیں کہ کیمرے لگائیں تاکہ عوام دیکھیں ۔
شاہد خاقان عباسی کا کہناتھا کہ حکومت نے اسمبلی میں الزام لگایا کہ حادثہ اپوزیشن کی وجہ سے ہوا ، کسی وزیر نے اسمبلی میں ملک آئین کے مطابق چلانے کا نہیں کہا ، ٹرین حادثے پر حکومت کو کوئی شرمندگی نہیں ہے ۔ا نہوں نے کہا کہ ٹرین حادثے کی پٹری کی مرمت کے پیسے کرپشن کی نظر ہوئے ، ٹریک کی مرمت کے پیسے کہاں گئے ؟ وزیراعظم اسمبلی میں آ کر عوام س ے معافی نہیں مانگ سکے ۔
