اسلام آباد (مانیٹرنگ ڈیسک ) یوٹیلٹی اسٹورز پر مختلف برانڈز کے گھی اور کوکنگ آئل پھر مہنگے کردیے گئے۔یوٹیلٹی اسٹورز پر مہنگائی کا طوفان،کوکنگ آئل 110 روپے فی لیٹر تک مہنگا ہوگیا ،نوٹیفکیشن کے مطابق یوٹیلٹی اسٹورز پر کوکنگ آئل 65 روپے تک فی لیٹر مہنگا کردیا گیا جبکہ گھی کی فی کلو قیمت میں 53 روپے تک اضافہ ہوا ہے۔ نوٹیفکیشن میں کہا گیا ہے کہ یوٹیلٹی اسٹورز پر قیمتوں میں اضافے کا اطلاق فوری طور پر ہوگا۔ خیال رہے کہ گزشتہ دنوں بھی یوٹیلٹی اسٹورز پر مختلف برانڈز کے گھی اور کوکنگ آئل کی قیمتوں میں اضافہ کیا گیا تھا۔واضح رہے کہ آج وزیر اعظم پاکستان عمران خان کی جانب سے پاکستان میں بڑھتی مہنگائی پر ریلیف پیکج کا اعلان کیا گیا ہے جس کے تحت عوام کیلئے 120 ارب روپے مختص کیے گئے ہیں ۔
