کپتان کے اہم کھلاڑی اور وزیر نے استعفیٰ دیدیا ، وجہ بھی بتا دی

اسلام آباد (مانیٹرنگ ڈیسک) پاکستان تحریک انصاف کو بڑا دھچکا ، پی ٹی آئی کے مرکزی رہنما اوروزیر نے اپنے عہدے سے استعفیٰ دیدیا ۔ تفصیلات کے مطابق پاکستان تحریک انصاف کے مرکزی رہنما اور صوبائی وزیر نے اپنے عہدے سے استعفیٰ دیدیا۔ علیم خان نے ٹوئٹر اکائونٹ پر پوسٹ میں بتایا کہ وزیراعظم عمران خان سے آج ہونے والی ملاقات میں اُنہیں اپنے استعفے
پر قائل کیا ہے۔ان کا کہنا تھا کہ اپنے نیوز چینل سماء نیوز کے حوالے سے غیر جانبداری قائم رکھنے کے لئے ضروری ہےکہ میرے پاس کوئی حکومتی عہدہ نہ ہو لہذا وہ بطور سینئر وزیر/وزیر خوراک حکومت پنجاب اب میرا استعفی قبول فرما لیں۔ ان کا کہنا تھا کہ میں اُن وزیر اعظم پاکستان جناب عمران خان کا ممنون ہوںکہ اُنہوں نے میری یہ گزارش تسلیم فرما لی ہے۔ میں اپنا استعفیٰ وزیراعلی پنجاب کو بھجوا رہا ہوں۔ واضح رہے کہ گزشتہ چند دنوں سے صوبائی وزیر خوراک عبد العلیم خان کے نجی ٹی وی چینل سما کو خریدنے کی باتیں زیر گردش تھیں ۔