چینی باشندوں کے تحفظ کے لیے اسپیشل پروٹیکشن یونٹ فعال کردیا گیا

اسلام آباد (رانا اشرف سے ) آئی جی اسلام آباد سید علی ناصر رضوی کا اہم اقدام، اسلام آباد میں مقیم چائنیز کی سیکیورٹی کے لیے اسپیشل پروٹیکشن یونٹ فعال کر دیا گیا ۔
آئی جی اسلام آباد سید علی ناصر رضوی کے اقدام کے نتیجے میں قائم کیے جانے والے اسپیشل پروٹیکشن یونٹ میں مزید 50 پولیس اہلکار تعینات کردیے گئے۔
اس حوالے سے ایس ایس پی سیکیورٹی نے اہلکاروں کی تعیناتی کا آرڈر جاری کر دیا ہے۔ اسپیشل پروٹیکشن یونٹ میں اب تک کل 140 نئے اہلکار شامل کئے جا چکے ہیں۔ اسپیشل پروٹیکشن یونٹ چائنیز کی سیکیورٹی کو مزید موثر بنانے کے لئے فعال کیا گیا۔