لاڑکانہ میں چوری کا انوکھا واقعہ ، چور’’ دیو قامت موبائل فون ٹاور‘‘ لے اُڑے

اسلام آباد (نیوز ڈیسک ) لاڑکانہ کے علاقے نوڈیرو میں چور نجی کمپنی کا موبائل فون ٹاور اکھاڑ کر لے گئے۔ پولیس کے مطابق نوڈیرو میں نجی کمپنی کا موبائل فون ٹاور چوری کرنے کے الزام میں 2 افراد کو گرفتار کرلیا گیا جن میں ٹاورکی زمین کا مالک رکھیل ابڑو اور کباڑی سعد اللہ بروہی شامل ہیں۔ زمین مالک رکھیل ابڑو کا کہنا ہے کہ کمپنی کے نام پر لوگ آئے، ٹاور کو اکھاڑ کر سامان گاڑیوں میں بھر کر لے گئے اور ہمیں بتایاکہ کمپنی نے فیصلہ کیا ہے ٹاور کو ہمیشہ کےلیے ختم کر رہے ہیں۔ پولیس کے مطابق کباڑی سعداللہ بروہی نے نامعلوم افراد سے ٹاور کے حصے مبینہ طورپر خریدے تھے اور ان کی دکان سے چوری شدہ ٹاور کے مختلف حصے برآمد ہوئے۔