اسلام آباد (نیوز ڈیسک) انٹرنیشنل کرکٹ کونسل ( آئی سی سی) کی جانب سے سری لنکا کے اسپنر پراوین جیا و کراما پر پابندی عائد کر دی گئی۔
آئی سی سی کی جانب سے جاری کردہ بیان کے مطابق سری لنکن اسپنر پراوین جیا و کراما پر اینٹی کرپشن کوڈ کی خلاف ورزی کے الزامات تھے جن کے باعث ان پر ایک سال کی پابندی عائد کر دی گئی ہے۔
آئی سی سی کے مطابق پراوین جیا و کراما نے انٹرنیشنل کرکٹ اور لنکا پریمیئر لیگ میں اینٹی کرپشن کوڈ کی خلاف ورزی کی۔
بیان میں کہا گیا کہ جیا و کراما نے خلاف ورزی تسلیم بھی کر لی ہے جبکہ آف اسپنر کی ایک سالہ پابندی میں 6 ماہ کی معطلی بھی شامل ہے۔
یاد رہے کہ آف اسپنر پراوین جیا وکراما نے 5 ایک روزہ ، 5 ٹیسٹ اور 5 ٹی 20 میچز میں سری لنکا کی نمائندگی کی ہے۔
سری لنکن اسپنر پراوین جیا و کراما پر 6ماہ کی معطلی سمیت ایک سال کی پابندی عائد کر دی گئی
