اسلام آباد کے سیکٹر ای الیون میں بچوں اور خواتین کورہائش میں مشکلات ،  مساج سنٹرز، شیشہ کیفے کی بھر مار ہو گئی

اسلام آباد (عمران مگھرانہ) سیکٹر ای الیون رہنے کے قابل نہ رہا،شیشہ کیفے،مساج سینٹرز، ڈرگ مافیا کے حوالے سے سینیٹر پلوشہ خان نے بڑے راز کھول دیے۔
تفصیلات کے مطابق ای الیون مساج پارلرز، ڈرگ ڈیلرز، شیشہ کیفے کا گڑھ بن گیا۔ سینیٹر پلوشہ خان نے سینیٹ داخلہ کمیٹی میں بتایا کہ ای الیون کے بہت سارے مسائل ہیں، میری والدہ وہاں رہائش پذیر ہیں۔
نمائندہ ای الیون نے کہا کہ ای الیون اب ایسی جگہ نہیں ہے جہاں آپ اپنے بچوں کو سکول بھیج سکیں۔ہمار ے لوگ خود چھاپے مار کر پولیس کو اطلاع دے رہے ہیں۔
سینیٹر پلوشہ خان نے کہاڈی 12 سے غیر قانونی طور پر راستہ کھلوایا گیاہے۔سی ڈی اے کے کسی ڈائریکٹر کی مارکی ہےجس پر چیئرمین سی ڈی اے نے جواب دیا مارکی کا نام انابیہ ہےاور وہ ہم نے سیل کر دی ہے۔سیکٹر ای الیون پر بات کرتے ہوئے چیئرمین سی ڈی اے نے کہا ان کے حالیہ الیکشن ہوئے ہیں، فوکل باڈی آ جائے ہم مسئلہ حل کرتے ہیں۔
سینیٹر پلوشہ خان نے سکیورٹی کیمرے لگوانے اور کچر ے کے ڈھیر اٹھوانے ،مساج پارلرزبند کروانے کا مطالبہ کر دیا۔انہوں نے کہا کہ اگرانٹر نیٹ پر مساج سنٹر تلاش کریں تو ایک لسٹ آ جاتی ہے۔سینیٹر عمر فاروق نے کہا شیشہ کیفے فی الحال کھلے ہیں، کہیں ماہانہ جارہا ہے؟