کپتان نے ملکی تاریخ کا تیز ترین اور ریکارڈ کتنے ہزار ارب کا قرضہ لیا ؟مریم اورنگزیب کا بڑا انکشاف

لاہور(مانیٹرنگ ڈیسک )مسلم لیگ(ن) کی ترجمان مریم اور نگزیب نے وزیراعظم عمران خان کے بیان پر ردعمل دیتے ہوئے کہا ہے کہ عمران صاحب جب وزیراعظم خود چور اور جھوٹا ہو تو عوام قرض اور بے روزگاری کی دلدل میں دھنس جاتے ہیں عمران صاحب آپ نے کارٹلز اور مافیا کی سہولت کاری کر کے عوام کو معاشی تباہی اور مہنگائی کی دلدل میں دھنسایا ہے۔انہوں نے کہاکہ عمران صاحب تاریخی 15000 ارب کے قرض اور کرپشن کی دلدل “میں عوام کو آپ نے دھنسایا ہے
پاکستان کی تاریخ کا تیز ترین اور سب سے زیادہ ۱15000ارب کا قرض لے کر عمران صاحب آپ کی حکومت نے عوام کو مہنگائی کی دلدل میں دھنسایا ہے۔عمران صاحب آپ کی حکومت ٹرانسپرنسی انٹرنیشنل سے عالمی تصدیق شدہ کرپٹ ترین حکومت ہے نے۔مریم اورنگزیب نے کہاکہ عمران صاحب آپ نے آٹے، چینی، دوائی، ایل این جی، رنگ روڈ، مالم جبہ سے اپنی اور اپنی اور مافیا کی جیبیں بھر کے ملک کو کرپشن کی دلدل میں دھنسا دیا ہے۔انہوں نے کہاکہ ڈیزل سے مہنگی بجلی بنا کر کارٹلز اور مافیا کی جیب بھر کے عوام کو غریب اور بے روزگار کر دیا ہے کورونا ریلیف پیکج میں 1200 ارب روپے کا ڈاکہ اور عوام ویکسین کے لئے ترستی رہی تین سال میں گردشی قرض 1200 ارب سے بڑھا کر 2800 ارب پر پہنچا کر آپ نے عوام کو قرض کی دلدل میں دھنسایا ہے۔واضح رہے کہ وزیراعظم عمران خان نے بیان دیا تھا کہ جب سربراہانِ ریاست اور ان کے وزرا بدعنوان ہوتے ہیں تو ممالک قرض کی دلدل میں دھنس جاتے ہیں اور ان کا دیوالیہ نکل جاتا ہے۔