خریداروں کیلئے اس بجٹ میں بڑی خوشخبری ، گاڑیاں سستی کر دی گئیں

اسلام آباد(عمران مگھرانہ سے ) پاکستان میں کون سی گاڑیاں سستی ہوں گی؟ حکومت نے بڑا اعلان کر دیا،بجٹ اجلاس کے دوران شوکت ترین نے گاڑیوں پر سیلز ٹیکس میں کمی کا اعلان کر دیا۔تفصیلات کے مطا بق وفاقی وزیر خزانہ شوکت ترین نے بجٹ اجلاس کے دوران کہا کہ مقامی گاڑیوں پر سیلز ٹیکس میں کمی کا اعلان کر دیا۔

در آمد شدہ 850سی سی تک کی گاڑیوں پر کسٹم اورریگو لیٹری ڈیوٹی پر چھوٹ دی جا رہی ہے۔وزیر خزانہ نے کہا کہ مقامی گاڑیوں پر سیلز ٹیکس کی شرح 17فیصد سے کم کر کے ساڑھے12فیصد کر دی گئی ہے۔850سی سی تک کی مقامی گاڑیوں پر فیڈرل ایکسائز ڈیوٹی بھی ختم کر دی گئی ہے۔الیکٹرک گاڑیوں کے لیے سیلز ٹیکس کی شرح17فیصد سے کم کر کے 1فیصد کرنے کا فیصلہ کیا گیا ہے اس کے ساتھ ساتھ الیکٹرک گاڑیوں پرایک سال کے لیے کسٹم ڈیوٹی بھی کم کرنے کا فیصلہ کیا گیا ہے۔