لندن (مانیٹرنگ ڈیسک) پاکستان کے خلاف سیریز سے قبل ہی انگلش کرکٹ ٹیم کو شدید دھچکا لگ گیا ہے اور انگلینڈ کے 3کھلاڑیوں اور مینیجمنٹ کے 4افراد کا کرونا ٹیسٹ مثبت نکل آیا ہے۔ تمام افراد کو فوری طور پر آئسو لیٹ کر دیا ہے اوران کی جگہ متبادل کھلاڑیوں کو سیریز کےلئے بلوا لیا گیا ہے۔ای سی بی کے مطابق پاکستان انگلینڈ سیریز شیڈول کے مطابق ہوگی جس کے لیے بین اسٹوکس کو ٹیم میں شامل کیا گیا ہے اور وہ ٹیم کی قیادت کریں گے جب کہ نئے اسکواڈ کا اعلان بھی جلد کیا جائے گا۔واضح رہے کہ پاکستان اور انگلینڈ کے درمیان کرکٹ سیریز کا آغاز 8 جولائی سے ہورہا ہے جس میں دونوں ٹیمیں تین ون ڈے اور تین ٹی ٹوئنٹی میچز کھیلیں گی۔
