کراچی(مانیٹرنگ ڈیسک )پاکستان ہاکی ٹیم کے سابق نامور کھلاڑی نوید عالم انتقال کرگئے ہیں ۔تفصیلات کے مطابق کینسر کے مرض میں مبتلا سابق اولمپیئن نوید عالم انتقال کرگئے ہیں ، ان کے انتقال کی خبر ان کی بیٹی نے دی ۔ان کی بیٹی کا کہناہے کہ نوید عالم کی طیعبت کیمو تھراپی کے بعد مزید خراب ہوگئی تھی ۔واضح رہے کہ کچھ دن قبل ہی سندھ حکومت نے ان کے علاج کی ذمہ داری اٹھائی تھی۔سندھ حکومت کی جانب سے اعلان کیاگیاتھاکہ سندھ حکومت ہاکی اولمپیئن نوید عالم کے علاج کے تمام اخراجات برداشت کرے گی۔
