پاکستان میں کہاں کہاں بادل برسیں گے اور کہاں سورج آگ برسائے گا ؟

اسلام آباد (مانیٹرنگ ڈیسک) محکمہ موسمیات کے مطابق ملک کے بیشتر میدانی علاقوں میں موسم گرم اورخشک رہے گا ۔تاہم شمال مشرقی پنجاب ،کشمیر اورملحقہ پہاڑی علاقوں میں چند مقامات پر تیزہواؤں اور گرج چمک کےساتھ بارش کا امکان ہے. اسلام آباد، بالائی پنجاب، بالائی خیبر پختو نخوا، کشمیر میں تیزہواؤں اور گرج چمک کےساتھ بارش ہو سکتی ہے۔گزشتہ چوبیس گھنٹوں کے دوران ملک کے بیشتر علاقوں میں موسم گرم اور خشک رہا۔ تاہم مٹھی 10اور ناروال میں 09 ملی میٹر بارش ریکارڈ کی گئی۔گزشتہ روز سب سے زیادہ درجہ حرارت دادو 44 ،موہنجودڑو،سبی اوردالبندین میں42 ڈگری سینٹی گریڈریکارڈ کیا گیا۔