اسلام آباد (مانیٹرنگ ڈیسک )الیکشن کمیشن نے صوبائی وزیر شاہ محمد کو بکا خیل پولنگ سٹیشن پر حملے سے متعلق کیس میں پانچ سال کیلئے نا اہل قرار دیدیا ہے ۔فیصلے میں کہا گیاہے کہ تحقیقات میں ثابت ہواشاہ محمد پولنگ سٹیشن پرحملےمیں ملوث ہے، صوبائی وزیراغوا،انتخابی موادچھیننےکےمرتکب قرار پائے ہیں۔ تفصیلات کے مطابق چیف الیکشن کمشنر سکندر سلطان راجہ نے بنوں کی تحصیل بکا خیل میں بلدیاتی انتخابات کے دوران پولنگ سٹیشن پر حملے اور امن و امان کی صورتحال خراب ہونے کا نوٹس لیا تھا اور انتخاب بھی ملتوی کرنا پڑ گیا تھا ۔ الیکشن کمیشن کی جانب سے تحقیقات کیلئے تین رکنی انکوائری کمیٹی تشکیل دی گئی تھی ۔ الیکشن کمیشن نے بنوں کی تحصیل بکاخیل میں امن و امان سے متعلق کیس کا آج فیصلہ سناتے ہوئے شاہ محمد کو پانچ سال کیلئے نااہل قرار دیدیا ہے جبکہ ان کے بیٹے مامون رشید بھی الیکشن لڑنے کیلئے نااہل ہو گئے ہیں ۔. مامون رشید کے خلاف فوجداری مقدمہ بھی درج کر نے کا فیصلہ کیا گیاہے ، الیکشن کمیشن کا فیصلے میں کہناتھا کہ مامون الرشید الیکشن نہیں لڑسکے ،گلباز خان ،محبت خان اورقدرت اللہ کیخلاف بھی کیسزدائرکریں۔ اسسٹنٹ پریذائیڈنگ افسرمحبت خان،حمیداللہ اورقدرت اللہ کیخلاف محکمانہ کارروائی کافیصلہ کیا گیاہے ۔فیصلے میں الیکشن کمیشن نے تمام افراد کو گرفتار کرنے کا حکم بھی جاری کر دیاہے اور کہاہے کہ پولیس کیس کےتمام پہلوؤں کی تحقیقات کرے۔ فیصلے میں کہا گیاہے کہ تحقیقات میں ثابت ہواشاہ محمد پولنگ سٹیشن پرحملےمیں ملوث ہے، صوبائی وزیراغوا،انتخابی موادچھیننےکےمرتکب قرار پائے ہیں۔
