’درود شریف پڑھیں اور اسے شئیر کریں تاکہ تمام اجر آپ کا ہو ، نوشکی سانحہ، کیپٹن بلال خلیل کی شہادت سے قبل لگائی گئی انسٹا اسٹوری وائرل

اسلام آباد (مانیٹرنگ ڈیسک) پنجگور اور نوشکی میں فورسز پر حملے کے نتیجے میں جام شہادت نوش کرنے والے کیپٹن ڈاکٹر بلال خلیل نے اپنے انسٹاگرام پر شہادت سے محض 7 گھنٹے قبل ایک اسٹوری شئیر کی تھی۔جنگ نیوز کے مطابق سوشل میڈیا پر کیپٹن ڈاکٹر بلال خلیل کی آخری انسٹاگرام اسٹوری کا سکرین شارٹ وائرل ہو رہا ہے۔شہادت سے 7 گھنٹے قبل شئیر کی جانے والی اسٹوری میں انہوں نے لکھا تھا کہ ’درود شریف پڑھیں اور اسے شئیر کریں تاکہ تمام اجر آپ کا ہو۔
شہید بلال خلیل کے دوست بھی ان کے ساتھ گزارے گئے یادگار لمحوں کو سوشل میڈیا پر شئیر کر رہے ہیں۔ایک صارف کہتے ہیں کہ آج صبح خبر ملی کہ کیپٹن ڈاکٹر بلال خلیل شہید ہوگئے ہیں۔ابھی تک یقین نہیں آرہا۔
آج سے کم و بیش 6 سال پہلے میرا داخلہ غازی خان میڈیکل کالج میں ہوا تو اس وقت یہ وہاں دوسرے سال میں تھے۔انہوں نے ہمارے ٹیسٹوں کی تیاری کروائی۔ ہمیں ریگنگ سے بچاتے رہے۔نماز کی تلقین کرتے رہے۔
ایک صارف نے کہا کہ کیپٹن ڈاکٹر بلال خلیل میرے سینئر تھے جنہوں نے دہشتگردوں کے ساتھ لڑتے ہوئے جام شہادت نوش کیا۔ اب بھی یقین نہیں آتا کہ وہ چلا گیا ہے،وہ ایک عظیم شخص تھا۔اللہ تعالیٰ جنت میں اعلیٰ مقام عطا فرمائے۔
۔

Captain Dr. Bilal Khalil Embraced Shahadat last night 😭😭😭
2nd pic is the status he put up 7 hours before the news of his shahadat came …. Allah Jannat me jagaa ataa farmaye…. 🙏🙏🙏 pic.twitter.com/1CoT3zyaDZ

— Usama Anjum (@PunjabiScouser) February 3, 2022