اسلام آباد (نیوز ڈیسک ) فیڈرل بورڈ آف ریونیو (ایف بی آر) نے ایکسپورٹرز کو 65 ارب روپے کے ریفنڈز جاری کردیے۔ ایف بی آر اعلامیے کے مطابق ایف بی آر نے 23 مارچ 2024 تک کے تمام ریفنڈز جاری کیے۔ اعلامیے میں کہا گیا ہے کہ نومنتخب وزیراعظم کی ہدایت کے بعد ریفنڈز جاری کیے گئے۔ گزشتہ روز نومنتخب وزیراعظم شہباز شریف نے قومی اسمبلی میں خطاب کے دوران ریفنڈز جاری کرنے کی ہدایت کی تھی۔ ایف بی آر کے اعلامیے کے مطابق ریفنڈز کا اجرا غیرملکی زرمبادلہ ذخائر میں اضافے کا باعث بنے گا۔ تجارتی اداروں اور برآمدی شعبوں نے وزیراعظم کے اقدام کا خیرمقدم کیا اور کہاکہ اس اقدام سے ٹیکسٹائل انڈسٹری میں مزید ملازمتیں پیدا ہونگی۔
