اسلام آباد (سمیرا سلیم سے ) بھارت میں 2024 کے اہم لوک سبھا انتخابات سے قبل الیکشن کمیشن میں تقرریاں، نئی تقرریوں کی ٹائمنگ نے لوک سبھاانتخابات کی شفافیت پر سوالات اٹھا دیے ۔ تفصیلات کے مطابق
لوک سبھا انتخابات 2024سے قبل مودی حکومت نے سابق بھارتی ایڈمنسٹریٹو سروسز کے دو افسران گیانیش کمار اورسکھبیر سنگھ سندھو کو الیکشن کمشنر مقرر کر دیا جس کے بعد اپوزیشن سے کانگریس لیڈر ادھیر رنجن چودھری نے ان تقرریوں پر اپنی ناراضگی اور تحفظات کا اظہار کر ہے ۔ سلیکشن پینل میں شامل اندھیر رنجن چوہدری واحد رکن ہیں جنہوں نے تعیناتی کے عمل پر سوالیہ نشان لگا یا ۔
بھارت کا چیف الیکشن کمشنر اور دیگر الیکشن کمشنرز کی تقرری اور سروسز سے متعلق شرائطِ و ضوابط سے متعلق ایکٹ 2023 متنازع کیوں؟
ایکٹ 2023 کے تحت، حکومت کے زیر تسلط سلیکشن کمیٹی ای سی آئی میں خالی آسامیاں کی بھرتی کو تلاش کمیٹی کے ذریعے شارٹ لسٹ کرتی ہے ۔
شارٹ لسٹ کیے گئے امیدواروں کی تقرری مرکزی کابینہ سکریٹری کی سربراہی میں کرتی ہے۔
قانون کہتا ہے کہ انڈین الیکشن کمیشن اراکین کا انتخاب ایک ایسے پینل کے ذریعے کیا جائے جس پر حکومت کا غلبہ نہ ہو تاکہ ای سی آئی کی آزادی کو یقینی بنایا جا سکے۔
بھارتی سپریم کورٹ کا فیصلہ ہے کہ پینل میں وزیر اعظم، چیف جسٹس آف انڈیا اور لوک سبھا میں اپوزیشن لیڈر کا ہونا ضروری ہے۔
سپریم کورٹ کے فیصلے کے بعد مرکز نے چیف جسٹس کی جگہ ایک مرکزی وزیر کے ذریعے قانون لایا اور قانون میں تبدیلی نے الیکشن کمشنر کی تعیناتی کے عمل کو مرکز کے حق میں جھکا دیا۔
واضح رہے کہ الیکشن کمشنروں کو تمام 543 پارلیمانی حلقوں میں آزادانہ اور منصفانہ ووٹنگ کی نگرانی اور اس کو یقینی بنانے کی ذمّہ داری سونپی گئی ہے۔الیکشن کمشنروں کو تمام سیاسی جماعتوں کو انتخابی قانون اور ماڈل ضابطہ اخلاق پر قائم رہنے کی ذمّہ داری بھی سونپی گئی ہے ۔
’’مودی حکومت کی جانب سے نئے مقرر کردہ الیکشن کمشنر گیانیش کمار کون ہیں؟‘‘
بیوروکریٹ گیانیش کمار، سکھبیر سنگھ سندھو کے بیچ میٹ ہیں۔ گیانیش کمار 1988 بیچ کے آئی اے ایس افسر اور کیرالہ کیڈر سے ہیں۔
گیانیش کمار پارلیمانی امور کی وزارت میں سکریٹری رہ چکے ہیں۔ مسٹر کمار اس ٹیم کا حصہ تھے جس نے آئین کے آرٹیکل 370 کے تحت جموں و کشمیر کی خصوصی حیثیت کو ختم کرنے پر کام کیا تھا۔گیانیش کمار وزیر داخلہ امت شاہ کی قیادت میں تعاون کی وزارت میں سکریٹری کے طور پر بھی خدمات سر انجام دے چکے ہیں۔
لوک سبھا انتخابات سے قبل الیکشن کمیشن میں مودی حکومت کی جانب سے 2نئی پراسرار تقرریاں ،نو منتخب افسران سکھبیر سنگھ سدھو اور گیا نیش کمار در اصل کون ہیں ؟
