اسلام آباد (رافعہ زاہد سے ) عمران خان جس روز جیل سے نکلیں گے اس روز پشاور سے لاہور تک جی ٹی روڈ اور موٹر وے پر سر ہی سر ہونگے ، ان کی مقبولیت کو کون برداشت کر سکے گا ، فواد چوہدری انٹرنیشل میڈیا کو انٹرویو دینے کے بعد خبروں میں ، محمد مالک کے شو میں اہم انکشافات کر دیے ۔ سینئر اینکر پرسن محمد مالک کے شو بریکنگ بیریئر میں فواد چوہدری آج کے مہما ن ہوئے ۔ محمد مالک کے عدت کیس بارے پہلے سوال کا جواب دیتے ہوئے فواد چوہدری کا کہنا تھا کہ فیصلہ متوقع تھا ۔ پاکستان میں عدالتیں سیاسی لیڈرز کو صرف سزائیں ہی سنا سکتی ہیں ، رہائی ان کے بس کی نہیں۔ فواد کا کہنا تھا کہ عمران خان کے باہر آنے کا مطلب ہے کہ سسٹم لپیٹا گیا ۔ عمران خان جس روز جیل سے نکلیں گے اس روز پشاور سے لاہور تک جی ٹی روڈ اور موٹر وے پر سر ہی سر ہونگے ، ان کی مقبولیت کو کون برداشت کر سکے گا۔ انہوں نے پوری کوشش کرنی ہے خان کو اندر رکھنے کی اور عدت کیس کا ایک پہلو یہ بھی ہے کہ اس کیس سے عمران خان اور اسٹیبلشمنٹ میں تلخیاں بڑھی ہیں ۔ جس قسم کی جرح کی گئی عمران خان کی موجودگی میں وہ اس قدر شرمناک تھی کہ عمران خان جیسا عزت والا آدمی اسے برداشت نہیں کر سکتا ۔ میں اب بھی سمجھتا ہوں کہ اس کیس کو واپس لے کر خان سے معافی مانگنی چاہئے ۔
محمد مالک نے سوال کیا کہ آپ ہیں کون ؟ پی ٹی آئی ہیں یا کچھ اور ؟ اس پر فواد نے انکشاف کیا کہ میری کتاب آرہی ہے اس میں آپ کو بہت سے سوالات کے جوابات ملیں گے ۔ 9مئی بعد اپنے ٹوئٹ بارے فواد چوہدری نے وضاحت پیش کی کہ میں نے کبھی پی ٹی آئی نہیں چھوڑی ۔ آئی پی پی والا تو بس ایک مذاق تھا ، میں نے اس وقت اپنے دوستوں علیم خان ، جہانگیر ترین کو کہا تھا کہ آپ ہمیں خراب کر رہے ہیں ، جہانگیر ترین نے کہا کہ ہمیں آرام سے 40سیٹیں مل جائیں گی ۔ میں نے کہا کہ آپ کو چالیس مل جائیں گی تو نواز شریف کو کیا ملے گا ؟۔
محمد مالک نے سوال کیا کہ بندہ کہیں واپس آتا ہے تو وہ کہتا ہے ریڈ کارپٹ ہو جس پر چل کر میں آئوں ۔ آپ نے ریڈ کارپٹ اپنا خود بچھا یا ہے واپس پارٹی میں آنے کیلئے مگر آپ کے کارپٹ پر خون کی چھینٹیں ہیں ، جتنی لیڈرشپ ہے اس کا خون آپ نے اس کارپٹ پر ڈال دیا ہے ۔ اس پر فواد چوہدری بولے آپ نے تو گیم آف تھرون کا سین بنادیا ہے ۔محمد مالک نے فواد چوہدری کے چوہوں ،بونوں والے بیان بارے سوال کیا کہ کوئی چوہا پلٹ کر یہ پوچھ لے کہ ہماری پارٹی کی Fat Catsکہاں تھیں ؟ وہ کیوں چھوڑ کر چلی گئیں ۔ فواد نے جواب دیا کہ کہاں چھوڑ کر چلے گئے ؟ اب آپ بتائیں کہ شبلی فراز سے اتنا پرانا تعلق ہے ، میری 6ماہ کی قید دوران کسی نے میرے گھر فون تک کرکے نہیں پوچھا ۔ اور ان کے ساتھ ہوا کیا ؟ اصل مظالم تو پنجاب میں ہو رہے تھے ۔ میں تو کچھ نہیں بولا تھا انہوںنے ہی ایک کے بعد ایک پریس کانفرنس کر ڈالی ۔ یہ لوگ ہیں کیا ؟۔
مالک نے سوال کیا کہ کہا جاتا ہے کہ اسٹیبلشمنٹ سے تعلقات خراب کرانے میں آپ کا بڑا ہاتھ تھا ۔ آپ خان صاحب کے قریب تھے اور آپ ہی انہیں مشورے دیتے تھے کہ میڈیا کو بھی دبائیں ، سیاستدانوں کو اور فوج کوبھی دبائیں ۔ فواد چوہدری کا کہنا تھا کہ میرے سے ایک غلطی ہوئی کہ ہمیں کہا گیا کہ فوج سے تعلق ختم کر لیں ۔ ہمیں وہ تعلق ختم نہیں کرنا چاہئے تھا ، اس سے ایک خلا پیدا ہوا ۔فواد چوہدری نے مزید کیا کہا ؟ ویڈیو ملاحظہ کیجئے :
میرے سے سب سے بڑی غلطی بس ایک یہ ہوئی کہ میں نے فوج سے ۔۔۔۔! فواد چوہدری کے بڑے انکشافات
