فل کورٹ میٹنگ ،مخصوص نشستوں کا محفوظ فیصلہ پی ٹی آئی کے حق میں ؟ بیرسٹر گوہر کا بڑا دعویٰ

اسلام آباد (مہر خان سے )مخصوص نشستوں کا محفوظ فیصلہ پی ٹی آئی کے حق میں ؟ بیرسٹر گوہر کا بڑا دعویٰ ۔ پاکستان تحریک انصاف کے چیئرمین بیرسٹر گوہر علی خان نے ایک ٹاک شو میں گفتگو کرتے ہوئے کہا ہے کہ سپریم کورٹ کی جانب سے ایک مختصر حکم آنے کا امکان ہے، یہ سپریم کورٹ کی صوابدید ہے۔ ہمیں معلوم ہوا ہے کہ کچھ فل کورٹ میٹنگز ہوئی ہیں اور امید ہے کہ آج ہمیں فیصلہ مل جائے گا اور یہ فیصلہ ہمارے حق میں ہوگا۔بیرسٹر گوہر علی خان نے کہا کہ آئین میں یہ نہیں لکھا کہ پارلیمانی پارٹی ہونی چاہئے۔ انہوں نے مزید کہا کہ ایس آئی سی (سنّی اتحاد کونسل) کے ٹکٹ نہ ملنے کا سوال ہے، اس کا نامزدگی فارم سپریم کورٹ میں جمع ہو چکا ہے۔ انہوں نے اپنے نامزدگی فارم میں لکھا ہوا تھا کہ ایس آئی سی/پی ٹی آئی کا اتحاد ہے۔ یہ سرٹیفکیٹ ان کے پاس تھا اور انہوں نے یہ سرٹیفکیٹ دیا تھا کہ مجھے ایس آئی سی کا ہی نشان الاٹ کیا جائے، اس کے باوجود RO افسر نے انہیں نشان الاٹ نہیں کیا۔انہوں نے کہا کہ اگر یہ سیٹوں کا فیصلہ ہمارے حق میں نہیں آتا تو ہمارا حق ہے کہ ہم نظر ثانی کی درخواست دائر کریں۔