دبائو میں بنی حکومت کے سربراہ کو دبائو بھاری کیوں لگ رہا ہے ، استعفیٰ دینا کہیں ’’ باس ‘‘ کا حکم تو نہیں ؟ حافظ حمد اللہ نے شہباز شریف کے بیان کی وضاحت مانگ لی

اسلام آباد(نیوز ڈیسک ) جمعیت علماء اسلام (جے یو آئی) کے رہنما حافظ حمد اللہ کا کہنا ہےکہ شہباز شریف وضاحت کریں دباؤ کون اور کیوں ڈال رہا ہے؟
ایک بیان میں حافظ حمداللہ کا کہنا تھا کہ دباؤ میں بنی حکومت کے سربراہ کو دباؤ کیوں بھاری لگ رہا ہے؟
حافظ حمداللہ کا کہنا تھا کہ یہ بھی وضاحت ہوجائےکہ استعفیٰ دینا کہیں ’باس’ کا حکم تو نہیں؟
ان کا مزید کہنا تھا کہ مولانا فضل الرحمان چھوٹے میاں کو مشورہ دے چکے تھے کہ پنگا مت لو۔
خیال رہےکہ فیڈرل بورڈ آف ریونیو (ایف بی آر) کے ہیڈکوارٹر میں خطاب کرتے ہوئے وزیراعظم شہباز شریف کا کہنا تھا کہ استعفیٰ دے دوں گا مگر دباؤ میں نہیں آؤں گا، فیڈرل بورڈ ریونیو میں اصلاحات کا عمل جاری رہےگا۔
انہوں نے کہاکہ کوئی سفارش قبول نہیں، کوئی ذاتی پسند ناپسند بھی نہیں، قومی مفاد سب سے اوپر ہے، کوئی غلطی ہے تو درست کریں گے۔