اسلام آباد (نیوز ڈیسک ) پاکستان میں کرپشن کا ایک اور ہوش ربا اسکینڈل بے نقاب ۔ بلوچستان کے ضلع ژوب میں سرکاری گودام سے 5 کروڑ سے زائد مالیت کی گندم کی بوریاں غائب ہوگئیں۔
اسسٹنٹ ڈائریکٹر محکمہ خوراک ژوب کے مطابق سرکاری گودام سے 5 کروڑ سے زائد مالیت کی 4 ہزار 885 بوریاں گندم غائب ہوئیں۔
اسسٹنٹ ڈائریکٹر محکمہ خوراک کا کہنا ہےکہ گندم کی کمی پورا کرنےکے لیے بوریوں میں مٹی ملائی گئی ہے۔
اسسٹنٹ ڈائریکٹر محکمہ خوراک کے مطابق سرکاری گودام کے انچارج کو گرفتار کرلیا گیا ہے اور سٹی پولیس تھانہ میں مقدمہ درج کرا دیاگیا ہے۔
کرپشن کا ایک اور بڑا سکینڈل ، سرکاری گودام سے 5 کروڑ سے زائد مالیت کی گندم کی بوریاں غائب ، گندم کی کمی پوری کرنے کیلئے مٹی ملا دی گئی
