اسلام آباد (نیوز ڈیسک) ربیع الاوّل کا چاند دیکھنے کیلئے رویت ہلال کمیٹی کا اجلاس طلب کرلیا گیا ، جس میں چاند نظر آنے کا یا نہ آنے کا اعلان کیا جائے گا۔
تفصیلات کے مطابق ربیع الاوّل کا چاند دیکھنے کیلئے مرکزی رویت ہلال کمیٹی کا اجلاس 4 ستمبر کو طلب کرلیا گیا۔
اسلام آباد میں اجلاس کی صدارت مولانا سید محمد عبدالخبیرآزاد کریں گے جبکہ جبکہ دیگر صوبوں میں زونل کمیٹیوں کا اجلاس ہوگا۔
اجلاس میں چاند کی رویت کا اعلان کیا جائے گا، اگر 4 ستمبر بروز بدھ کو روز چاند نظر آجاتا ہے تو 12 ربیع الاول 16 ستمبر بروز پیر کی ہوگی جبکہ چاند نظر نہ آنے کی صورت میں عید میلاد النبیﷺ 17 ستمبرکو منگل کے روز منائی جائے گی۔
واضح رہے ماہ ربیع الاول امت مسلمہ کے لیے خاص اہمیت کا حامل ہے کیونکہ اس مہینے نبی آخرالزماں ﷺ کی دنیا میں آمد ہوئی، پیغمبر اکرم صلی اللہ علیہ والہ وسلم پوری دنیا کے لئے عملی نمونہ بن کر آئے اور وہ ہر شعبے میں اس اوج کمال پر فائز ہیں کہ ان جیسا کوئی تھا اور نہ ہی قیامت تک آسکتا ہے۔
پاکستان میں ربیع الاول کا چاند کب نظر آئے گااور 12ربیع الاول ستمبر کی کس تاریخ کو ہوگی ؟
