ہمیں سڑکوں پر نکال کر خود واپس کیوں جا رہے ہیں ، ہر صورت پنڈی جائیں گے، پی ٹی آئی کارکنوں کا علی امین کا راستہ روک کر دھرنے کا اعلان

اسلام آباد (نیوز ڈیسک) خیبرپختونخوا کے وزیراعلیٰ علی امین گنڈاپور کے واپسی کے اعلان پر کارکن مشتعل ہوگئے اور برہان انٹرچینج کے قریب دھرنے کا اعلان کردیا۔
احتجاج ختم ہونے کے باوجود کارکن برہان انٹرچینج کے قریب موجود ہیں اور انہوں نے واپسی سے انکار کردیا۔
وزیراعلیٰ خیبرپختونخوا کارکنوں میں پھنس گئے اور تحریک انصاف کے کارکنوں نے ان کا راستہ بند کررکھا ہے۔ کارکنوں کا کہنا ہے کہ ہر صورت آج وزیراعلیٰ ہمارے ساتھ راولپنڈی جائیں گے۔
کارکنوں نے وزیراعلیٰ علی امین گنڈاپور کی گاڑی کا گھیراؤ کیا جس کے باعث ان کے اسکواڈ اور کارکنوں میں شدید تلخ کلامی ہوئی۔
کارکنوں نے کہا کہ ہمیں سڑکوں پر نکال آپ کیوں جاتے ہیں؟ پی ٹی آئی کارکنوں کا وزیراعلی سے استعفی کا مطالبہ کردیا۔
خیال رہے کہ وزیراعلیٰ علی امین گنڈا پور نے پی ٹی آئی کے احتجاج میں شرکت کیلئے لیاقت باغ پہنچنے کا اعلان کیا تھا لیکن انہوں نے برہان انٹرچینج سے ہی کارکنوں کو واپسی کی ہدایت کی۔