پاکستان کے معروف اداکار مظہر علی انتقال کرگئے

کراچی(نیوز ڈیسک ) پاکستان ٹیلی ویژن کے معروف اداکار مظہر علی انتقال کر گئے۔
اسپتال ذرائع کے مطابق اداکار مظہر علی دل کے عارضے میں مبتلا اور نجی اسپتال میں زیر علاج تھے۔
اہل خانہ نے مظہر علی کے انتقال کی تصدیق کرتے ہوئے کہا کہ مرحوم کی نماز جنازہ آج بعد مغرب طیبہ مسجد ناظم آباد نمبر 3 میں ہوگی۔
اداکار مظہر علی نے اپنے کیرئیر کا آغاز ڈرامہ افشاں اورعروسہ سے کیا، اس کے علاوہ انہوں نے پی ٹی وی کے ڈرامے گرہ اورہالہ سمیت دیگر ڈراموں میں اداکاری کے جوہر دکھا کر ناظرین کے دلوں میں جگہ بنائی۔