سینئر اینکر پرسن منصور علی خان کے صاحبزادے نے نیشنل سوئمنگ چیمپئن شپ میں نیا قومی ریکارڈ قائم کردیا

لاہور (نیوز ڈیسک)لاہورمیں جاری ایج گروپ نیشنل سوئمنگ چیمپئن شپ میں پنجاب ٹیم کے تیراک زایان علی خان نے پچاس میٹر بیک سٹروک ایونٹ کی انڈر ٹین کیٹگری میں نیا قومی ریکارڈ قائم کردیا۔
سپورٹس بورڈ پنجاب کے انٹرنیشنل سوئمنگ پول میں زایان علی خان نے مقررہ فاصلہ 40:73سیکینڈز میں طے کرکے سونے کا تمغہ اہنے نام کیا۔ریکارڈ ہولڈر ننھے تیراک معروف اینکر پرسن منصور علی خان کے صاحب زادے ہیں۔منصور علی خان خود بھی پاکستان کے بہترین تیراک رہ چکے ہیں۔ وہ سیکرٹری پنجاب سوئمنگ ایسوسی ایشن کی ذمہ داریاں بھی نبھاتے رہے ہیں ۔