الیکشن کمیشن پاکستان نے اہم رکن اسمبلی کی کامیابی کا نوٹیفکیشن کالعدم قرار دیدیا

اسلام آباد (نیوز ڈیسک) الیکشن کمیشن آف پاکستان نے عبید اللہ گورگیج کی کامیابی کا نوٹیفکیشن کالعدم قرار دیا ہے۔
عبید اللہ گورگیج پی بی 44 سے پی پی ٹکٹ پر رکن اسمبلی بنے تھے،الیکشن ٹریبونل نے عبیداللہ گورگیج کو نااہل قرار دیا تھا۔
عبداللہ گورگیج کی کامیابی کو نیشنل پارٹی کے امیدوار نے چیلنج کیا تھا،ٹریبونل نے 16پولنگ اسٹیشنز پر دھاندلی کی وجہ سے ری پولنگ کا حکم دیا۔
یاد رہے کہ 8 فروری 2024 کو ہونے والےعام انتخابات میں پیپلزپارٹی کے عبید اللہ گورگیج 7ہزار 125 ووٹ لے کر بلوچستان اسمبلی کے رکن منتخب ہوئے تھے جبکہ ان کےمدمقابل نیشنل پارٹی کے عطا محمد بنگلزئی نے 6 ہزار 385 ووٹ حاصل کیے تھے۔