نومنتخب چیف جسٹس کی تصویر کا معاملہ، یوٹیوبرز پر کڑی پابندی کا امکان

اسلام آباد (نیوز ڈیسک) سپریم کورٹ میں یوٹیوبرز کے داخلے پر کڑی پابندی لگنے کا امکان ہے۔
واضح رہے سپریم کورٹ کی مسجد میں نماز ادا کرنے کے دوران چیف جسٹس پاکستان نے جب سلام پھیرا تو وہاں موجود یوٹیوبر نے ان کی تصویر کھینچ لی تھی۔
نجی ٹی وی کے مطابق یوٹیوبر کی اس حرکت پر چیف جسٹس نے فوراً ہی ایس پی سیکیورٹی سے متعلق استفسار کیا اور ان کے میٹنگ میں جانے کی اطلاع پر چیف جسٹس نے ان کا ٹرانسفر کا حکم جاری کیا۔
اب پریس ایسوسی ایشن آف سپریم کورٹ نے اس طرح کے معاملات کو دیکھنے کے لیے چار رکنی جائزہ کمیٹی بھی تشکیل دے دی ہے۔
تفصیلات کے مطابق سپریم کورٹ میں یوٹیوبرز کے داخلے پر پابندی لگنے کا امکان ہے جبکہ پریس ایسوسی ایشن آف سپریم کورٹ نے اس طرح کے معاملات کو دیکھنے کے لیے چار رکنی جائزہ کمیٹی بھی تشکیل دے دی ہے جو ایک ہفتے میں اپنے سفارشات مرتب کر کے صدر پریس ایسوسی ایشن اف سپریم کورٹ کو پیش کرے گی۔