اسلام آباد (نیوز ڈیسک) کوہاٹ کے علاقے درہ آدم خیل اور جواکئی پایا کے 2 بچوں میں پولیو وائرس کی تصدیق ہوئی ہے۔
نچارج ڈبلیو ایچ او کوہاٹ ڈاکٹر محبت خان کے مطابق 2 ماہ کے دوران دو بچوں میں پولیو وائرس کی تصدیق ہوئی ہے۔
ضلعی انتظامیہ کا کہنا ہے کہ ڈپٹی کمشنر کی ہدایت پر غفلت برتنے پر 4 پولیو ورکرز کے خلاف مقدمہ درج کیا گیاہے۔
ضلعی انتظامیہ کے مطابق پولیو ورکرز نے بچوں کو قطرے نہیں پلائے، ورکرز نے قطرے پلانے کے جعلی نشان لگا دیے۔
مقدمے کے اندراج کے بعد ضلع بھر کے پولیو ورکرز اور پیرا میڈکس ایسوسی ایشن نے پولیو مہم کے بائیکاٹ کا اعلان کر دیا۔
کوہاٹ: پولیو ورکرز نے قطرے نہیں پلائے، جعلی نشان لگا دیے، 2 بچوں میں وائرس کی تصدیق
