اسلام آباد (نیوز ڈیسک) ملک میں مہنگائی کی شرح میں مزید اضافہ ہو گیا۔ 17 اشیاء کی قیمتیں مزید بڑھ گئیں۔
ادارہ شماریات کے مطابق ایک ہفتے کے دوران مہنگائی کی شرح میں 0.80 فیصد اضافہ جبکہ سالانہ بنیادوں پرمہنگائی کی شرح 4.64فیصد سے بڑھ کر5اعشاریہ 80 فیصد پر پہنچ گئی ہے۔
وفاقی ادارہ شماریات نے گزشتہ روز اپنی رپورٹ میں کہا کہ حالیہ ہفتے میں 17اشیاء کی قیمتیں بڑھ گئیں، 10 اشیاء کی قیمتوں میں کمی ہوئی اور24 اشیاء کی قیمتوں میں استحکام رہا۔
حالیہ ہفتے کے دوران کوکنگ آئل کی قیمتوں میں 0.74فیصد جبکہ گھی کی قیمتوں میں 0.91فیصد اضافہ ہوا، چینی2اعشاریہ 19فیصد، ٹماٹر20.75فیصد، چکن 22.47فیصد، بیف 0.69فیصد، سرسوں کا تیل 0.69فیصد، ایل پی جی0اعشاریہ 18فیصد اور جلانے والی لکڑی 0.95فیصد مہنگی ہوئی۔
اداکارہ شماریات کے مطابق دال چنا0اعشاریہ 78فیصد، دال ماش 1.28فیصد، پیاز 8.13فیصد، آلو 2.38فیصد، انڈے 0.30فیصد، کیلا 0.68فیصد اور ٹوٹا چاول کی قیمتوں میں 0.15فیصد کی کمی ہوئی۔
