واٹس ایپ سماجی رابطے کے لیے مقبول ترین ایپس کی فہرست میں شامل ہو چکی ہے، اس کے فیچرز میں مسلسل اضافہ کیا جاتا رہا ہے۔
اب تک واٹس ایپ میں زیادہ سے زیادہ چار افراد ویڈیو کال میں شرکت کر سکتے تھے، تاہم اب اس تعداد میں اضافہ کیا جا رہا ہے جس کے بعد یہ ایپ زوم اور اسکائپ جیسی مشہور ایپس کی ہم پلہ ہو جائے گی۔
واٹس ایپ نے پیغامات فارورڈ کرنے کی حد میں مزید کمی کر دی
اسمارٹ فون اب کورونا وائرس سے بھی بچائے گا، اہم پیش رفت سامنے آ گئی
واٹس ایپ کی تازہ ترین بیٹا ریلیز میں ایسا کوڈ پایا گیا ہے جس سے معلوم ہوتا ہے کہ چار افراد کی حد اب ختم ہونے والی ہے۔
یہ کوڈ سب سے پہلے آئی او ایس کے لیے نظر آیا تاہم بعد میں یہی کوڈ اینڈرائیڈ میں بھی دکھائی دیا جس سے واٹس ایپ کے پلانز کا اندازہ ہوتا ہے۔
ابھی تک واٹس ایپ کی ویڈیو کالز میں جو اہم تبدیلی آئی ہے وہ کال کے دوران ایک ہیڈر کا اضافہ ہے جو بتا رہا ہوتا ہے کہ یہ کنکشن اینڈ ٹو اینڈ انکرپٹڈ ہے۔
تاہم پوشیدہ کوڈ یہ بتا رہا ہے کہ واٹس ایپ بہت سی دلچسپ تبدیلیاں لانے والا ہے۔
اس وقت زوم ایپ کی سب سے بڑی خوبی یہ ہے کہ اس میں ایک ہی وقت میں 100 افراد ویڈیو کال میں شرکت کر سکتے ہیں، جو لوگ زوم کے پریمئیم ممبرز ہیں، ان کے لیے یہ حد 500 تک ہے۔
ابھی تک یہ معلوم نہیں ہو سکا کہ ویڈیو کالز میں شامل افراد کی تعداد میں اضافے کا آپشن کب تک سامنے آئے گا تاہم ٹیکنالوجی کے ماہرین کا کہنا ہے کہ بہت جلد یہ میسر ہو جائے گا۔
