عمران خان کا نام لینے سے تکلیف ہوتی ہے، مریم نواز

مسلم لیگ ن کی نائب صدر مریم نواز نے کہا ہے عمران خان کا نام لینے پر تکلیف ہوتی ہے لیکن مجبوری میں نام لینا پڑتا ہے۔
گوپس میں جلسے سے خطاب کرتے ہوئے مریم نواز کا کہنا تھا کہ جعلی حکومت تو کبھی کچھ نہیں سمجھا، موجودہ حکومت کے نصیب میں عوام کی خدمت کرنا لکھا ہی نہیں۔
ان کا کہنا تھا کہ ملک میں ہر طرح کے انفراسٹرکچر کا کریڈٹ نواز شریف کو جاتا ہے، انہوں نے سڑکیں اسپتال اور پل تعمیر کر کے گلگت والوں کی تکلیف کو آسان کیا۔
ان کا کہنا تھا کہ گلگت میں افراسٹرکچر کی وجہ سے لاکھوں سیاحوں نے ادھر کا رخ کیا۔ اس کے پیچھے بھی ن لیگ ہی ہے۔
مریم نواز نے مزید کہا کہ پاکستان کو لاحق ہر بیماری کا علا نواز شریف کے پاس ہے۔
انہوں نے کہا کہ پاکستان میں موٹرویز بنانا اور پیٹرول کی قیمت کم کرنا نواز شریف کے ذمے ہے لیکن ان کے خلاف ہمیشہ جھوٹے مقدمات بنائے گئے۔
انہوں نے جلسے میں خطاب کے دوران کہا کہ موجودہ حکومت کا کام صرف انتقام لینا اور نواز شریف سے حسد کرنا ہے۔
مریم نواز نے وزیراعظم پر طنز کرتے ہوئے کہا کہ مجھے مجبوری میں عوام کے مجرم عمران خان کا نام لینا پڑتا ہے کیونکہ جب علاج مقصود ہو تو بیماری کا نام لینا پڑتا ہے۔
انہوں نے کہا کہ عمران خان اور ان کے ساتھی منہ کھولتے ہیں تو ان سے غلاظت کے علاوہ کچھ نہیں نکلتا۔
ان کا کہنا تھا کہ پاکستان کو لاحق ہوئی بیماری کا نام عمران خان ہے، دنیا میں کووڈ 19 اب آیا ہے لیکن پاکستان میں یہ بیماری 2018 میں آگئی تھی اور یہ بیماری ماسک پہننے سے نہیں جائے گی۔
انہوں نے اپنے خطاب میں کہا کہ اس بیماری نے ملک کی معیشت اور وفاق کو تباہ کر دیا ہے، جب تک اس کو اکھاڑ کر پھینکا نہیں جائے گا تب تک اس کو ختم نہیں کیا جس سکتا۔