راولپنڈی کے علاقے تھانہ گنج منڈی میں زوردار دھماکہ ہوا ہے جس کے نتیجے میں 25 افراد زخمی ہو گئے ہیں۔
ابتدائی اطلاع کے مطابق دھماکے میں مجموعی طو پر 25افراد زخمی ہوئے ہیں، 14 افراد کو موقع پر طبی امدادی دی گئی ہے۔ دھماکے میں زخمی 3افراد کی حالت تشویشناک ہے۔
واقعہ کے فوری بعد پولیس اور امدادی ٹیمیں جائے وقوعہ پر پہنچ گئیں اور علاقے کو گھیرے میں لے کر زخمیوں کو ریلوے اسپتال اور ڈسٹرکٹ اسپتال منتقل کیا گیا ہے۔
پولیس نے بتایا کہ دھماکا تھانہ گنج منڈی کے سامنے فلٹریشن پلانٹ کے قریب ایک ریڑھی میں چپھائے گئے دستی بم سے ہوا۔
قانون نافذ کرنے والے ادارے موقع پر پہنچ کر شواہد اکٹھے کر رہے ہیں۔
خیال رہے کہ 4 دسمبر کو راولپنڈی کے علاقے پیرودہائی میں ایک بس اسٹینڈ کے قریب رکشے میں دھماکا ہوا تھا جس میں ایک شخص جاں بحق ہوگیا تھا۔
ریسکیو اور پولیس حکام نے دھماکے میں 45 سالہ محمد افضل خان کے جاں بحق ہونے اور 7 افراد زخمی ہونے کی تصدیق کی تھی۔
پولیس حکام نے بتایا تھا کہ دھماکا دیسی ساختہ آئی ای ڈی کے ذریعے کیا گیا جس میں بارود کے ساتھ بال بیرنگ استعمال کیے گئے تھے۔
