حکومت نے پیٹرولیم مصنوعات کی قیمتوں میں اضافہ کر دیا ہے، اگلے پندرہ دنوں کے لیے پیٹرول 3 روپے مہنگا کر دیا گیا ہے۔
وزارت خزانہ نے پیٹرولیم مصنوعات کی نئی قیمتوں کا نوٹی فکیشن جاری کر دیا ہے، 16 دسمبر سے پیٹرول کی نئی قیمت 103 روپے 69 پیسے فی لیٹر ہو گئی ہے۔
اسی طرح ڈیزل کی قیمت میں بھی 3 روپے فی لیٹر اضافہ کر دیا گیا ہے جس کے بعد ڈیزل کی نئی قیمت 108 روپے 44 پیسے ہو گئی ہے۔
اسی طرح مٹی کے تیل کی قیمت میں بھی 5 روپے لیٹر کا اضافہ کیا گیا ہے جس کے بعد مٹی کے تیل کی قیمت 70 روپے 29 پیسے ہو گئی ہے۔
لائٹ ڈیزل کی قیمت 5 روپے فی لیٹر اضافے کے بعد 67 روپے 86 پیسے مقرر کی گئی ہے۔
