اسلام اآباد (مانیٹرنگ ڈیسک ) نواز شریف وطن کب واپس لوٹ رہے ہیں ، لیگی رہنما نے بڑا دعویٰ کر دیا ۔ تفصیلات کے مطابق ن لیگی رہنما جاوید لطیف نے دعویٰ کیاہے کہ سابق وزیر اعظم نواز شریف اسی سال وطن واپس لوٹ رہے ہیں ، نجی ٹی وی چینل پر گفتگو کرتے ہوئے جاوید لطیف کا کہنا تھا کہ نواز اسی سال اپنی مرضی سے وطن واپس لوٹیں گے ، انہوںنے کہا کہ وزیر داخلہ نے کہا ہے کہ بھٹو کو پھانسی ہو گئی لیکن چڑیا پر نہیں مار سکی اور شیخ رشید احمد نے بھٹو کی پھانسی کے بعد پیپلز پارٹی کا ٹکٹ لیا تھا ۔ جاوید لطیف نے کہا کہ شیخ رشید نے اس وقت کہا بھٹو کا عدالتی قتل ہوا تھا لیکن آج کہہ رہے ہیں غلط سزائیں مل بھی جائیں تو چڑیا پر نہ مارے۔انہوں نے کہا کہ بدقسمتی سے 72 سالوں سے یہ کسی کی سمجھ میں نہیں آیا کہ سیاسی جماعتوں کو توڑنے سے ریاست کمزور ہوتی ہے۔ انہوں نے مزید کہا نواز شریف نے ایٹمی دھماکہ کیا لیکن امریکا کا دباؤ قبول نہیں کیا۔اور عمران خان نے کہا تھا کہ ان عدالتوں سے نوازشریف کو انصاف نہیں ملے گا۔
