کابل میں خواتین کے پر امن احتجاج کے دوران طالبان کی جانب سے ہوائی فائرنگ اور آنسو گیس کی شیلنگ ، خواتین لہو لہان

اسلام آباد (مانیٹرنگ ڈیسک ) افغانستان میں خواتین کا اپنے حقوق کیلئے احتجاج ، طالبان کی جانب سے خواتین کیخلاف طاقت کے استعمال کا انکشاف ۔ تفصیلات کے مطابق آج کابل میں خواتین نے اپنے حقوق کیلئے احتجاج کیا ، انہوںنے ہاتھوں میں پلے کارڈ ز اٹھا رکھے تھے جس میں طالبان کی جانب سے ان کے حقوق سلب کرنے اور انہیں گھروں تک محدود کر دینے کیخلاف نعرے درج تھے۔ اس حوالے سے سوشل میڈیا ایپ ٹوئٹر پر احتجاج کرنے والی خواتین کی ویڈیوز بھی زیر گرودش ہیں جن میں خواتین کا کہنا ہے کہ ان کے پر امن احتجاج کے دوران طالبان کی طرف سے طاقت کا استعمال کیا گیا اور نہتی خواتین پر آنسو گیس کا استعمال کیا گیا ۔ احتجاج کے دوران زخمی ہونے والی ایک خاتون نے بتایا کہ ہم طالبان کی جانب سے اپنی تعلیم اور گھر سے باہر کام کرنے پر پابندی کیخلاف لڑ رہی ہیں اور ہم اپنا حق لے کر رہیں گی ، ان کا کہنا تھا کہ جو حقوق ہم نے 20سال میں لڑ کر حاصل کیے وہ یونہی ضائع نہیں کر سکتیں ۔ واضح رہے کہ طالبان کی جانب سے لڑکیوں کے یونیورسٹی میں تعلیم حاصل کرنے اور دفاتر میں کام کرنے پر پابندی عائد کی جاچکی ہے جس کیخلاف افغان خواتین بھرپور احتجاج کر رہی ہیں ۔

Taliban violently dispersed protest held by Afghan women today in #Kabul

Women demanding their rights to work and education

This woman was one of those who suffered injuries

Taliban has banned many women from working outside their homes, girls from attending school/university. pic.twitter.com/KU37Cguhi1

— Frud Bezhan فرود بيژن (@FrudBezhan) September 4, 2021