لاہور(مانیٹرنگ ڈیسک ) پیٹرولیم ڈیلرز ایسوسی ایشن کی ہڑتال کے باعث کئی شہروں میں پٹرول بلیک میں 300 روپے فی لیٹر کی قیمت میں فروخت ہونے لگا۔ تفصیلات کے مطابق پیٹرولیم ڈیلرز ایسوسی ایشن کی ہڑتال تاحال جاری ہے جس کے باعث ملک بھر میں اکثریتی پٹرول پمپس بند ہیں۔ اس صورتحال میں شہریوں کو ایک ہی بجائے 2 پریشانیوں کا سامنا کرنا پڑ رہا ہے۔
ایک جانب شہریوں کو پٹرولیم مصنوعات کے حصول میں مشکلات کا سامنا ہے، تو دوسری جانب پٹرول پمپس کی بندش کے دوران ناجائز منافع خور بھی سرگرم ہو گئے ہیں۔ میڈیا رپورٹس کے مطابق پٹرول پمپس کی بندش کی صورتحال کا ناجائز منافع خور بھرپور فائدہ اٹھا رہے ہیں، کئی شہروں میں پٹرول بلیک میں 300 روپے فی لیٹر کی قیمت میں فروخت ہونے لگا ہے۔
پاکستان میں ہڑتال کے بعد پٹرول کی قیمت 300 روپے فی لیٹر تک جا پہنچی
