اسلام آباد (عمران مگھرانہ ) ایک طرف ڈالر کی اونچی اڑان سے ہونے والی مہنگائی نے عوام کی کمر توڑ دی تو دوسری طرف کپتان حکومت کی معاشی پالیسیوں کا پول مشیر خزانہ شوکت ترین نے کھول دیا ۔ ڈالر کاریٹ کیا ہونا چاہیے؟مشیر وزیر خزانہ شوکت ترین بے خبر نکلے ۔ مشیر خزانہ شوکت ترین کے ایکسچینج ریٹ کے حوالے سے دو متضاد بیانات نے عمران خان حکومت کی سنجیدگی کا پول بھی کھول دیا۔ ڈالر کی اڑان کے بعد عوام کی مہنگائی سے کمر ٹوٹ چکی ہے تاہم جبکہ مشیر خزانہ اب تک اعداد و شمار ہی میں الجھے ہوئے ہیں۔ایک بیان میں مشیر خزانہ شوکت ترین نے کہا کہ ہمیں چاہیے کہ ہم ڈالر کا ریٹ 166 یا 167 روپے رکھیں دوسرے بیان میں مشیر خزانہ شوکت ترین نے کہا کہ میرے نزدیک 155 سے160 ایکسچینج ریٹ ہونا چاہیے۔ یہاں واضح رہے کہ غلط اعداد و شمار کی وجہ سے شوکت ترین وفاقی وزراء پر اظہاربرہمی کرتے رہتے ہیں تاہم وہ خود بھی اعداد و شمار سے لاعلم دکھائی دیے ۔
