ٹورنٹو (مانیٹرنگ ڈیسک) سیالکوٹ میں پر تشدد ہجوم کے ہاتھوں اذیت ناک موت پانے سری لنکن شہری پریانتھا کمارا کے اہل خانہ کیلئے کینیڈامیں مقیم پاکستانی کمیونٹی نے ایک لاکھ ڈالر کی امداد کا اعلان کر دیا ۔ تفصیلات کے مطابق کینیڈا میں پاکستانی ہائی کمیشن میں تقریب منعقد ہوئی جس میں سیالکوٹ میں ہجوم کے ہاتھوں تشدد کے بعد قتل کیے جانے والے سری لنکن شہری پریانتھا کمارا کی بیوہ اور بچوں کیلئے ایک لاکھ ڈالر کی امداد کا اعلان کیا گیا جبکہ متاثرہ خاندان کے اکائونٹ میں 16 ہزار ڈالر منتقل کیے گئے جس پر پریانتھا کی بیوہ نے پاکستانی حکومت اور عوام کا شکریہ ادا کیا۔
واضح رہے کہ3 دسمبر جمعہ کے روزپریانتھا کو پاکستان کے صوبہ پنجاب کے شہر سیالکوٹ میں ایک مشتعل ہجوم نے توہین مذہب کے الزام میں قتل کر دیا تھا جس پر پاکستانی علما کرام اور عوام کی جانب سے سخت رد عمل دیکھنے میں آیا تھا اور عوام کی جانب سے اس اندوہناک واقعہ میں ملوث ملزموں کو قرار واقعی سزا دینے کا مطالبہ کیا گیا تھا ۔
