بہاولپور کے نواحی علاقہ میں ا سکول جانے والے17بچوں سے بھرا چنگچی رکشہ حادثے کا شکا ر

بہاولپور (مانیٹرنگ ڈیسک ) بہاولپور کے نواحی علاقہ مسافر خانہ کے قریب نجی سکول جانے والے بچوں کے رکشہ کی ٹرالر سے ٹکر کے نتیجے میں 4 بچے موقع پر جاں بحق جبکہ 13 شدید زخمی ہوگئے، جنہیں ہسپتال منتقل کر دیا گیا۔ یہ افسوسناک حادثہ کلانچ والا روڈ پر اسوقت پیش آیا، جب 17 بچوں سے بھرا موٹرسائیکل رکشہ شدید دھند کے باعث سامنے سے آنے والے ٹرالر کی زد میں آگیا۔ حادثے میں 4 بچے موقع پر جاں بحق ہوگئے جبکہ 13 شدید زخمی ہوئے جن کو ریسکیو 1122 کی امدادی ٹیمیوں نے ہسپتال منتقل کر دیا۔ ٹرالر ڈرائیو موقع سے فرار ہوگیا۔واضح رہے کہ ایک ماہ قبل بھی ایسے ہی ایک حادثے میں ٹرالر کی زد میں آ کر سکول کے 4 بچے جاں بحق ہو گئے تھے ۔؎

Heartbreaking scenes.
Chingi Ricksha should be banned in Punjab. Untrained & unlicensed young boys acting as rash drivers are causing deaths on roads. They don’t follow rules.This blood is on hands of Government and police authorities@UsmanAKBuzdar @OfficialDPRPP @ImranKhanPTI https://t.co/exGOvy5YLv

— Rauf Klasra (@KlasraRauf) January 15, 2022

اس حوالے سے سینئر صحافی رئوف کلاسرا نے اپنے ٹوئٹ میں کہا کہ یہ دل دہلا دینے والے مناظرہیں ، پنجاب میں چنگی رکشہ پر پابندی لگائی جائے۔ غیر تربیت یافتہ اور بغیر لائسنس کے نوجوان لڑکوں کی ریش ڈرائیونگ سڑکوں پر موت کا سبب بن رہی ہے ۔ ان کا مزید کہنا تھا کہ چنگچی رکشوں میں نو عمر ڈرائیور درجنوں سواریاں بھر کر ریسیں لگاتے ہیں اور اس کا انجام یہ ہوتا کہ معصوم سکول جاتے بچے سڑکوں پر بڑے ٹرکوں کے نیچے کچل کر مارے جاتے ہیں ۔یہ خون حکومت اور پولیس حکام کے ہاتھ میں ہے مگر وہ جو پروٹوکول میں سفر کرتے ہوں وہ یہ دکھ کیوں محسوس کریں گے۔

ٹریفک پولیس ہو یا ہائی وے پولیس کی ترجیحات میں یہ کام نہیں ہیں۔زیادہ چنگ چی رکشے اندھا دھند لڑکے چلاتے ہیں۔درجن سواریاں،ریس مقابلے اور انجام کار معصوم سکول جاتے بچے سڑکوں پر مارے جاتے ہیں—بڑے ٹرک کچل کر نکل جاتے ہیں۔ وہ جو پروٹوکول میں سفر کرتے ہوں وہ یہ دکھ کیوں محسوس کریں گے۔ pic.twitter.com/VUg4GEyMPZ

— Rauf Klasra (@KlasraRauf) January 15, 2022