اسلام آباد (نیوز ڈیسک) بھارتی فلموں اور ڈراموں میں اپنی لازوال اداکاری سے سب کا دل موہ لینے والے پنکج ترپاٹھی کو کون نہیں جانتا ،پاکستان اور بھارت میں تو ان کے مداح ہیں ہی مگر دنیا کا شاید ہی کوئی ایسا ملک ہو جہاں اردو ہندی جاننے والا پنکج ترپاٹھی کو نہ جانتا ہو۔ سینتالیس برس کے پنکج ترپاٹھی انڈین ریاست بہار کے چھوٹے سے گاؤں گوپال گنج میں پیدا ہوئے تھے۔ انہوں نے اپنے کیریئر میں درجنوں بڑی فلموں میں کام کیا ہے لیکن فلم ’گینگز آف واسع پور‘ اور سیزیز ’مرزا پور‘ نے انہیں شہرت کی بلندیوں پر پہنچا دیا۔ سوشل میڈیا پر بھارتی معروف شو آپ کی عدالت میں پنکج کا انٹرویو کافی وائرل ہو ر ہا ہے جس میں ایک لڑکا ان سے سوال کرتا ہے کہ آپ اتنے بڑے اور مشہور اداکار ہیں ، آپ کے پاس بی ایم ڈبلیو ، جیگوار ، مرسڈیز ، فراری یا اوڈی جیسی کتنی اور کون کون سی لگژری گاڑیاں ہیں ۔ پنکج نے پہلے تو معصومیت سے سوال کو اگنور کرنا چاہا تاہم لڑکے کے اصرار پر حیران کن انکشاف کیا کہ میرے پاس 2آٹو رکشہ، 2اسکوٹر اور ہاں ، میرے پاس لگژری گاڑی بھی ہے تاہم میں کبھی اس کی فوٹو سوشل میڈیا پر نہیں ڈالتا نہ ہی اس کے بارے میں کسی کو بتاتا ہوں ، وہ گاڑی بھی اس لیے مجھے لینی پڑی کہ میں جب فلم کی شوٹنگ کیلئے اپنی چھوٹی گاڑی میں جاتا تو میری وہ گاڑی دیکھ کر سامنے والوں کو لگتا تھا کہ ہم نے ایک چھوٹے اداکارکو کاسٹ کر لیا ہے تو اس وجہ سے مجھے مہنگی گاڑی لینی پڑے مگر مجھے ذاتی طور پر مہنگی چیزیں پسند نہیں ہیں۔ آپ ابھی بھی دیکھ لیں کہ میں سادہ کھدر کا سوٹ پہنا ہے ۔ مزید کیا کہا ، ویڈیو ملاحظہ کیجئے :
