اسلام آباد (نیوز ڈیسک ) شہباز شریف کے لاڈلے وزیر احد چیمہ اور ایچی سن کالج لاہور کے پرنسپل مائیکل اے تھامسن کے استعفے کا معاملہ ، رئوف کلاسرا حقائق سامنے لے آئے ۔ سینئر صحافی و تجزیہ کار رئوف کلاسرا نے اپنے نئے یوٹیوب وی لاگ میں آج ایچی سن کالج سے متعلق سوشل میڈیا پر وائرل ہونے والی خبر کے کچھ چونکا دینے والے حقائق سے پردہ اٹھا یا ہے ۔
رئوف کلاسرا کا معاملے کے مرکزی کردار احد چیمہ پر بات کرتے ہوئے کہنا تھا کہ ایچی سن کالج در اصل مقتدر حلقے کے بچوں کی درس گاہ ہے ۔ وہاں اپنے بچوں کو پڑھانے کیلئے ضروری ہے کہ آپ کی لاکھوں میں تنخواہ ہو ، اس سے کم پر آپ اپنے بچوں کو وہاں داخلہ دلوا ہی نہیں سکتے ۔
معاملہ شروع یہاں سے ہوا کہ احد چیمہ اپنے بچوں کو جو ایچی سن کالج میں پڑھ رہے تھے انہیں لے کر اسلام آباد شفٹ ہوئے ۔
احد چیمہ اپنے بچوں کو کالج میں 2سال کا وقفہ دلوانا چاہتے تھے اور کالج کے قوانین کے تحت ایسا ممکن بھی تھا تاہم ان دو سالوں کی فیس دینا لازم تھا ، احد چیمہ اس پر رضامند نہیں تھے جس کے لیے انہوںنے گورنر پنجاب کے ذریعے اپنے بچوں کی فیس معاف کروانے کی درخواست دی ۔ ۔ مزید ویڈیو میں ملاحظہ کیجئے :
ایچی سن کالج کے پرنسپل نے استعفیٰ کیوں دیا،احد چیمہ اور مائیکل اے تھامسن معاملے کا ڈراپ سین
