لاہور (نیوز ڈیسک ) ملک کے مختلف علاقوں میں جمعے کے روز سے بارشوں اور طوفانی ہواؤں کا سلسلہ جاری ہے ، اس دوران متعدد مقامات پر آسمانی بجلی گرنے کے واقعات بھی رپورٹ ہوئے ہیں، جن میں اب تک کی اطلاعات کے مطابق 24 افراد جاں بحق ہوچکے ہیں۔
اس حوالے سے چیف میٹرولوجسٹ سردار سرفراز کا کہنا ہے کہ سمندری ہواؤں کے سرد ہواوں سے ملنے سے طوفان کے امکانات بڑھ جاتےہیں،جس کی وجہ سے آسمانی بجلی گرنے کے واقعات بھی اضافہ ہو جاتا ہے۔انکا کہنا تھا کہ جن علاقوں میں درجہ حرارت جلد بڑھ جاتاہے وہاں ایسے واقعات زیادہ پیش آتے ہیں اورایسے واقعات میں موسمیاتی تبدیلوں کے باعث مسلسل اضافہ ہورہاہے۔
