کھاد کارخانوں کیلئے گیس پر سبسڈی ختم کرنے کی منظوری،حکومت کا بڑا فیصلہ

اسلام آباد(نیوز ڈیسک )وفاقی حکومت نے بڑا فیصلہ کرتے ہوئے کھاد کارخانوں کے لئے گیس پر سبسڈی ختم کرنے کی منظوری دے دی۔
نجی ٹی وی جیونیوز نے ذرائع کے حوالے سے بتایا کہ وفاقی کابینہ نے اتفاق رائے سے کھاد کارخانوں کو ملنے والی سبسڈی مکمل طور پر ختم کرنے کا فیصلہ کیا ہے۔کھاد کے کارخانوں کو اس وقت 217 روپے فی ایم ایم بی ٹی یو سبسڈی مل رہی ہے اور کارخانوں کو اس وقت 1597 روپے فی ایم ایم بی ٹی یو قیمت پر گیس سپلائی کی جارہی ہے تاہم حکومت کا کہنا ہے کہ کھاد کارخانوں کو سبسڈی دینے سے کسانوں کو کوئی فائدہ نہیں پہنچ رہا۔