اسلام آباد (نیوز ڈیسک ) سوات کے علاقے مدین میں مبینہ توہین مذہب کے الزام میں ایک شخص کو جلانے کے واقعہ کے بعد ہو کا عالم ، مختلف شہروں سے آئے سیاح سوات، کالام کو چھوڑ گئے ۔ میڈیا رپورٹس کے مطابق سوات کے علاقے مدین میں توہین مذہب کے مبینہ ملزم سیالکوٹ سے آئے سیاح کے ہولناک قتل کے بعد سوات، کالام اور دیگر علاقوں میں اب سناٹے کا راج ہے ۔
مدین واقعے کے بعد سوات ، کالام سے سیاح نکل گئے#ARYNews pic.twitter.com/3Yo2k1dM2f
— ARY NEWS (@ARYNEWSOFFICIAL) June 22, 2024
اندوہناک واقعہ بعد علاقے میں خوف پھیل گیا جس پر مختلف شہروں سے آئے سیاح مذکورہ علاقے چھوڑ کر جا چکے ہیں۔ تمام ہوٹل بند پڑے ہیں۔ پولیس کی جانب سے ہجوم کیخلاف تھانے پر حملہ کرنے اور جلا ئو گھیرائو کا مقدمہ درج کیا جا چکا ہے تاہم فی الحال کوئی گرفتاری عمل میں نہیں لائی جا سکی ۔
